An zabi Erdogan a matsayin shugaban kasar Turkiyya

Firai Ministan kasar Turkiyya Recep Tayyip Erdogan ya lashe zaben shugabancin kasar tun a zagayen farko da aka gudanar a ranar lahadin da ta gabata.

Recep Tayyip Erdogan, zababben shugaban kasar Turkiyya a ranar 10 ga watan Agustan 2014 REUTERS/Murad Sezer

Erdogon, ya samu kashi 52% na kuri’un da aka jefa, inda yake shirin soma aiki a cikin makonni biyu masu zuwa. Zababben shugaban kasar dai ya bayyana cewa kasar za ta shiga wani sabon babi na ci gaba bayan da al’umma suka danka amanarsu a hannunsa.

Erdogon ya `zama Firai Minista ne tun a shekara ta 2003, kuma a yanzu zai karbi ragamar shugabancin kasar ne daga hannun Abdullah Gul wanda ya share tsawon shekaru 10 akan wannan matsayi.