Magajin garin Damagaram ya tsallaka rijiya ta baya

Magajin garin Damagaram ya yi nasarar tsallake wani yunkurin tube shi daga kan mukaminsa da wasu ‘yan Majalisar birnin suka yi a jiya litinin bisa zargin gazawa wajen tafiyar da ayyukan da suka rataya a wuyansa.

Fadar Sarkin Damagaram a Jmhuriyar Nijar Talatu/Carmen

Magajin garin Bashir Sabo, ya samu kuri’u 19 daga cikin 23 yayin da masu adawa da shi suka samu kuri’u 4 bayan kammala jefa kuri’a dangane da wannan yunkuri.

Da dai wasu ‘yan majalisar birnin na Damagaram 8 ne karkashin jagorancin mataimakin magajin garin Abdoulrahim Balarabe suka sanya hannu kan bukatar neman tube Bashir Sabo daga mukaminsa.