Murray ba zai halarci gasar French Open ba

Dan wasan Ingila a fagen wasan Tennis , Andy Murray ya sanar da cewa ba zai samu damar halartar gasar French Open ba, saboda wani rauni da ya samu a kafarsa a lokacin da yake karawa a gasar Rome Masters da aka kammala a shekaran jiya.

Dan wasan Tennis Andy Murray na Birtaniya

Gasar ta French Open za ta kasance gasar da bazai halarta ba a rukunin wasannin Grand Slam tun bayan Wimbledon na shekarar 2007.

A dai ranar Lahadi mai zuwa ne ake sa ran fara karawa a gasar ta French Open.