Bayern da Juventus sun lashe Super Cup, City ta lashe Community Shield
Kungiyar Bayern Munich ta lashe kofin Jamus na Super Cup bayan doke Borussia Dortmund ci 2-1. A Italiya, kungiyar Juventus ce ta lashe Super Cup bayan samun sa’ar Napoli. A Ingila kuma Manchester City ce ta lashe Community Shield bayan lallasa Chelsea ci 3-1.
Wallafawa ranar:
Gab da fara wasa ne Bayern Munich ta zira kwallaye biyu a raga ana minti 11 da fara wasa. Ana kusan kammala wasa ne dan wasan Borussia Dortmund Robert Lewandowski ya zira kwallo daya.
A Italia kuma kungiyar Juventus ce ta lashe Super Cup bayan samun sa’ar Napoli. An dai kammala wasan ne ana ci 2-2. Amma bayan shiga lokuttan da aka kara ne Juventus ta samu sa’ar lashe wasan sanadiyar kwallon da dan wasan Napoli ya zira a ragarsu.
A Ingila kuma Manchester City ce ta lashe Community Shield bayan lallasa Chelsea ci 3-1.
Hakan kuma ke nuna Roberto Mancini ya shirya tsab domin kare kambun Premier da City zata fara bugawa a karshen makon gobe.
Fernando Torres ne dai ya fara zira kwallo a ragar City kafin Alkalin wasa ya ba Ivanovic jan kati. City ta samu barke kwallon ne ta kafar Yaya Toure, daga nan kuma Tevez da Samir Nasri suka sake zira wasu kwallyen biyu a raga.
Wannan na zuwa ne kuma a dai dai lokacin da Manchester City ke kammala cinikin Jack Rodwell daga Everton, amma babu wani bayani game da kudin cinikin dan wasan.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu