An kashe ‘Yan kasar India biyu a Najeriya.

Wasu ‘Yan kasar India su biyu sun rasa rayukansu bayan wasu yan bindiga sun kai hari wata ma’aikata a garin Maiduguri da ke Arewacin Najeriya.Kamfanin Dillancin labaran Faransa ya rawaito cewa ‘yan bindigan sun kuma kwashe kudi mai yawan Dalar Amurka 600, kwatankwacin kudi Naira 99,000 a yayin da su ka kai harin. 

Wani hari da aka kai garin Damaturu a Arewacin Najeriya Reuters/Olatunji Omirin

Babu dai cikakken bayani akan wanna hari sai dai wata sanarwa da rundunar sojin da ke samar da zaman lafiya a yankin ta ce an kuma raunata mutum daya ana kuma kula da shi asibiti.

Rundunar sojin ta kara da cewa an kewaye inda abin ya faru.