An cafke jagoran matasa magoya bayan Gbagbo a Ghana

Charles Ble Goude babban magoyi bayan tsohon shugaban kasar Cote’ d’Ivoire Laurent Gbagbo, da ke gudun hijira kimanin shekara daya da rabi, wanda kuma kotun kasar ta CI ta ba da sammacin kamawa, a jiya alhamis ya fada hannun jami’an tsaron kasar Ghana.

Tsohon shugaban Cote d'Ivoire Laurent Gbagbo REUTERS/Peter Dejong

Sai dai kuma har yanzu babu wani karin haske dangane da dalilan da suka sa mahukunta na Ghana kama shi.

Kasar Ghana dai makwabciya ce ta kusa ga kasar ta Cote d’Ivoire, kuma sau da dama wasu mahara da ake cewa magoya bayan Laurent Bagbo n da ke zaune a kasar Ghana na kai hare-hare a kan jami’an tsaron Cote d’Ivoire.