Saudiya ta bulale wanda ya ci zarafin Musulunci
Gwamnatin kasar Saudiya ta fara zartar da hukuncin bulala 1,000 a bainar Jama’a ga mutumin da ya ci zarafin addinin Islama a Intanet. A yau Juma’a an yi wa Raef Badawi bulala 50 kafin makwanni masu zuwa ya kammala shan sauran bulalar.
Wallafawa ranar:
Kotu ta kuma yanke ma sa hukuncin daurin shekaru 10 a gidan yari.
Amurka da kungiyar kare hakkin Bil’adama ta Amnesty International sun bayyana adawa da hukuncin.
An zartar wa Badawi hukuncin ne bayan kammala Sallar Juma’a a Masallacisn Al Jafali a birnin Jedda a bainar Jama’a.
Saudiya kuma ta ci tarar Badawi kudi Riyal Miliyan guda tare da haramta ayyukan kungiyarsa da ke yada manufofin cin mutuncin Musulunci a shafin Intanet.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu