Saudiya ta fille kan mutane biyu

Mahukuntan kasar Saudiya sun fille kan wasu mutane biyu da Takobi bayan yanke masu hukuncin kisa, inda a bana adadin mutane 28 ke nan a ka zartarwa hukuncin kisa a kasar. Kamfanin dillacin labaran Saudiya yace an fille kan Yussef al Nafili a garin Taif bayan kama shi da lafin bindige Salman al-Rabii mutumin Saudiya.

Sarki Abdallah na Saudiya AFP/Getty Images)

Mutum na biyu kuma, Abdessalam al-Ruili an fille kansa ne a garin Arar yankin arewacin Saudiya, kamar yadda ya kashe Abdessalam al Anzi da wuka.

A bara dai kimanin mutane 78 gwamnatin Saudiya ta zartarwa hukuncin kisa, karkashin tsarin dokar kasar ta Shari’ar Musulunci, Matakin da Hukumar kare hakkin Bil’adama ta Majalisar Dinkin Duniya ta kalubalanta.