Chelsea ta ba City tazarar maki biyar

Chelsea da ke saman teburin Premier ta doke West Ham United ci 1 da 0, wanda ya ba ta damar ci gaba da jagorancin teburin gasar da tazarar maki 5. A filin Etihad Manchester City ta ba Leicester kashi ne ci 2 da 0.

Chelsea da ke saman teburin Premier ta doke West Ham United ci 1 da 0 REUTERS

Manchester United ta doke Nwcastle United ci 1 da 0, ana saura minti guda a kammala wasa Young ya jefa wa Manchester kwallonta a raga.

Arsenal ta doke QPR ne ci 2 da 1, kuma yanzu Arsenal ta haye saman Manchester United a matsayi na uku a teburin Premier.

Liverpool ta lallasa Burnley ci 2 da 0. Stoke City ta doke Everton ci 2 da 0. Swansea ta sha kashi ne a hannun Tottenham.