Liverpool ta dare teburin Premier

Kungiyar Liverpool yanzu ke jagorancin teburin gasar Premier league ta Ingila, bayan ta lallasa Tottenham ci 4-0. Liverpool ta dare tebur ne bayan Crystal Palece ta samu sa’ar Chelsea da ci 1-0, Yayin da Manchester City da Arsenal suka rike juna ci 1-1.

Dan wasan liverpool, Luis Suarez wanda ke da yawan kwallaye a gasar Premier a bana REUTERS/Phil Noble

Yanzu wasanni shida suka rage a kammala Premier amma kocin Liverpool Brendan Rodgers yace har yanzu akwai kalubale a gabansu musamman daga Chelsea da Mancester city.