Ebola: Ma’aikatan Asibiti sun shiga yajin aiki a Saliyo

Ma’aikata a wata asibitin kula da wadanda suka kamu da cutar Ebola a kasar Saliyo sun shiga yajin aiki saboda kin biyansu kudadensu na albashi duk da sun sadaukar da rayuwarsu ga aikin kawar da Cutar Ebola da ke kisan mutane da dama a kasar.

Likitoci suna kula da masu cutar Ebola a Libéria. UNFPA Libéria

Gwamnarin Saliyo ta dauki Ma’aikatan ne na wuccin gadi domin taimakawa ma’aikatan jinya da likitoci a Asibitin Kenema da ake kula da lafiyar majinyantan Ebola.

Wasu daga cikin Ma’aikatan sun yi koken cewa tun lokacin da suka fara aiki babu sisin kwabo da aka biya su.