Besiktas ta yi waje da Liverpool a Europa
Hankalin Liverpool yanzu zai dawo a wasanninta na gida a Ingila bayan Besiktas ta yi waje da ita a gasar Eurapa League a bugun fanariti. Beskitar ta rama kwallon da Liverpool ta zira ne a karawa ta farko.
Wallafawa ranar:
Dejan Lovren ne ya barar wa Liverpool da fanariti bayan an kammala lokacin wasan, kungiyoyin biyu na da jimillar kwallaye 1 da 1.
Kocin Liverpool Brendan Rodgers ya ce yanzu hankalinsu zai dawo gida ne a Ingila domin ganin yadda zata kaya musamman haduwar Liverpool ta Man City a ranar Lahadi a Premier League.
Mai rike da kofin gasar Sevilla ta tsallake zuwa zagaye na gaba a gasar bayan ta doke Borussia Moenchengladbach da jimillar kwallaye ci 4 da 2.
Fiorentina ta yi waje ne da Tottenham da ke shirin haduwa da Chelsea a karshen mako.
Everton ce kungiya tilo daga Ingila da ta samu nasarar haurawa zuwa gaba a gasar Europa League bayan ta lallasa Young Boys ta Swiss da jimillar kwallaye 7 da 2.
Roma ta sha da kyar ne a hannun Feyenoord inda sau biyu alkalin wasa na dakatar da wasan saboda wariyar launin fata da aka nunawa dan kasar Cote d’Ivoire Gervinho. ‘yan kallo sun ta jifarsa da ayaba a gidan Feyenoord.
Inter ta tsallake ne bayan ta doke Celtic da jimillar kwallaye 4-3.
Kungiyoyin Italiya biyu, Napoli da Torino dukkaninsu sun tsallake a gaba bayan sun yi waje da Trabzonspor da Athletic Bilbao.
Zenit Saint-Petersburg ta yi waje da PSV Eindhoven, kamar yadda Ajax a Legia Warsaw.
Dinamo Moscow da Dynamo Kiev dukkaninsu sun tsallake bayan sun doke Anderlecht and Guingamp.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu