Sevilla ta lashe Kofin Europa

Kungiyar Sevilla ta lashe kofin Europa League bayan ta doke Benfica a bugun daga kai sai mai tsaron gida bayan lokuttan wasan sun cika babu ci. Sevilla ta samu nasara ne bayan ‘yan wasan Benfica guda biyu sun barar da Fanalty a wasan da aka gudanar a sabon katafaren filin kungiyar Juventus.

'Yan wasan Sevilla suna murnan lashe kofin Europa League bayan sun doke Benfica REUTERS/Albert Gea

Wannan ne karo na biyar da Benfica ke shan kashi a karawar karshe a gasar.

Benfica ta lashe kofuna guda biyu a Portugal  kuma kungiyar a bana ta nemi lashe kofi na uku, yayin da kuma ta kungiyar ke harin  lashe wani kofin Portugal a ranar 18 ga watan Mayu.