Puyol zai yi bankwana da Barcelona

Carles Puyol mai shekaru 35 yace zai yi bankwana da Barcelona a karshen kaka wanda ya kwashe shekaru yana jagorantar Kungiyar a Spain. Dan wasan ya kwashe lokaci yana fama da rauni kusan a kakar wasanni biyu zuwa uku da suka gabata, da har ya kai aka yi masa tiyata a kafarsa sau uku.

Carles Puyol jagoran kungiyar Barcelona Eurosport

Dan wasan yace ya shiga wani hali ne bayan an masa tiyata sau biyu a kafarsa, lamarin da zai iya hana masa ci gaba da wasa kamar yadda ya ke so.

Puyol dai yana cikin ‘Yan wasan da suka zira wa Barcelona kwallo a ragar almeria a karshen mako inda aka tashi wasan ci 4-1.