Kamfanin FilmOne zai yi tallan shirin 'Coming To America' na 2 a Najeriya
Kamfanin FilmOne ya bayyana shirin gabatar da wani sabon Fim da aka yiwa suna ‘Coming To America’ kashi na 2 a gidajen siniman Najeriya daga gobe juma’a 5 ga watan Maris.
Wallafawa ranar:
Shi dai wannan shirin da za’a gabatar ta hanyar kamfanin Amazon Prime ga kasashen duniya, za a gabatar da shi ta gidajen sinima ne kawai a kasashen Najeriya da Afirka ta Kudu.
Shirin da aka fara gabatar da shi shekaru 30 da suka gabata na dauke da tauraron fina-finai Eddie Murphy wanda ya fito daga Masarautar Zumunda lokacin da ya bar kasar su zuwa Amurka.
Ginshikin labarin ‘Coming To America’
A shirin farko da aka yi shekaru 31 da suka gabata, Murphy na yin watsi da rayuwar gidan Sarautar da ya fito domin samun budurwa wadda bata fahimci irin gidan da ya fito ba.
Bayanai sun ce akasarin mutanen da suka shiga shirin na farko sun sake taka rawa a sabon shirin da za a gabatar gobe.
Shekaru 30 da suka gabata dai shirin fim din na 'Coming to America' kashi na 1 ya samu karbuwa ga dimbin masoya kallon fina-finai a sassan duniya.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu