Kotun Rasha ta daure madugun adawa

Kotun kasar Rasha ta yanke wa madugun adawa da gwamnati Alexei Navalny hukuncin daurin makwanni biyu a gidan yari, a wani mataki na haramta ma shi jagorantar wani kasaitaccen gangamin adawa a ranar 1 ga watan Maris. Kotun ta kama Navalny da laifin sabawa dokar talla bayan ya lika takardun zanga-zangar shi a birnin Moscow.

Jami'an tsaron Rasha sun cafke madugun adawa da gwamnatin kasar Alexei Navalny REUTERS/Tatyana Makeyeva

Sai dai kafin ‘Yan sanda su tafi da shi, Navalny ya bukaci magoya bayan shi su fito babbar zanga-zangar a ranar 1 ga watan Maris.

Masana na ganin saboda kulle shi da aka yi zanga-zangar ba za ta yi tasiri ba.