An cafke Matar Baghdadi shugaban IS a Lebanon

Jami’an tsaron kasar Lebenon sun kama daya daga cikin Matan Abu Bakr al Baghadadi shugaban Mayakan IS da ke da’awar Jihadi a Syria da Iraqi. An cafke matar ne da dansa a kan iyakar Lebanon da Syria.

Abou Bakr al-Baghdadi, Shugaban Mayakan ISIS da suka kafa sabuwar Daular Islama a Iraqi REUTERS/Social Media Website via Reuters TV

Rahotanni daga Lebanon sun ce Matar ta amsa tambayoyi bayan Jami’an tsaro sun cafke ta kwanaki 10 da suka gabata.

A watan Yuni ne Baghdadi ya ayyana kansa a matsayin shugaban daular musulunci a yankin Syria da Iraqi da mayakansa suka kwace iko.

Iyalin na Baghdadi sun nemi shiga Lebanon ne daga Syria da takardun jabu.