Iraqi zata rabu gida biyu, inji ‘Yan Sunni

Shugaban Bangaren mabiya Sunnah a Gwamnatin Iraqi, Iyad Allawi, yace kasar ta kama hanyar abkawa yakin basasa, inda yace rashin daukar mataki na iya jefa kasar cikin mawuyacin hali. Allawi ya zargi Fira Minista, Nuri al Maliki, da neman kafa wata daular mulkin kama karya, inda zai kori daukacin mabiya Sunnah daga Gwamnati.

Iyad Allawi Shugaban 'Yan Sunni a Iraqi Reuters

Tun da farko, Fira Minisan kasar ya bada sammacin kama mataimakin shugaban kasa, Tariq al Hashemi, wanda ya zarga da taimakawa ayyukan ta’addanci.