Sevilla ta lashe Europa League na 2016
Sevilla ta lashe kofin Europa league bayan ta doke Liverpool ci 3 da 1 a fafatawar da suka yi jiya a filin St Jacob Perk a Basel kasar Switzerland. Karo na uku ke nan da Sevilla ke lashe kofin a jere da jere.
Wallafawa ranar:
Lashe kofin dama ce ga Sevilla na tsallakewa zuwa gasar zakarun Turai a kaka mai kamawa.
Liverpool ce ta fara jefa kwallo a raga amma bayan dawo wa hutun rabin lokaci Sevilla ta jefa kwallaye uku a raga.
A karon farko kuma hukumar UEFA ta yi amfani da fasahar tantance kwallo a raga a wasan karshe na gasar Europa da aka gudanar tsakanin Sevilla da Liverpool.
Liverpool ta yi harin lashe kofin ne bayan shafe shekaru 15, tun lokacin da ta doke Deportivo Alaves in 2001.
Karo na biyar a jere da jere ke nan kocin Liverpool Jurgen Klopp ke shan kashi a wasan karshe.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu