La liga ta fi Premier dadi-Bale
Tsadadden dan wasan kwallon kafa a duniya Gareth Bale da Real Madrid ta saya daga Tottenham akan kudi Fam miliyan 85.3 yace gasar La liga a Spain ta fi dadi fiye da gasar Premier ta ingila saboda yadda gasar ta kunshi manyan zaratan ‘Yan wasa na duniya.
Wallafawa ranar:
Bale wanda zai fara hammaya da Rodriguez domin rike matsayinsa a Real Madrid yace duk dan wasa a Premier muradinsa ya zo Spain.
A bana Real Madrid da Barcelona sun zuba zunzurutun kudi suka yo cefanen wasu zaratan ‘Yan wasa, inda Real ta saye James Rodriguez daga Monaco yayin da Barcelona ta saye Luis Suarez daga Liverpool dukkaninsu maciya raga.
Yanzu dai sai Bale ya yi gaske a Real Madrid saboda zuwan Rodriguez wanda ya fi kowa zira kwallaye a gasar cin kofin duniya da aka kammala a Brazil.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu