Wasannin Premier sun yi wa Liverpool Kyau
Kungiyar Liverpool ta fara haramar lashe kofin gasar Premier ta Ingila bayan ta doke Norwich City ci 3-2 a jiya Lahadi, kuma yanzu tazarar maki 5 ne ta ba Chelsea da ta sha kashi a hannun Sunderland ci 2-1.
Wallafawa ranar:
Liverpool tana harin lashe kofin gasar ne a karon farko tun a 1990. Kuma yanzu Liverpool ta buga wasanni 11 ba tare da samun galabarta ba a Premier.
Liverpool yanzu tana neman maki bakwai ne ta lashe kofin Premier, inda a karshen mako mai zuwa zata kece raini da Chelsea da suke hammaya.
Kungiyar Arsenal kuma ta doke Hull City ne ci 3-0, wacce zasu kuma kece raini da juna a gasar FA zagayen karshe.
Manchester United kuma ta sha kashi ne ci 2-0 a hannun Everton, a karawa ta farko tsakanin kungiyoyin biyu da Davis Moyes ya kai ziyara Goodison Park bayan ya gaji Sir Alex Ferguson.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu