Yajin aiki: Likitocin Najeriya sun shirya gudanar da zanga-zanga a kowacce rana

Kungiyar Likitoci ta Najeriya ta ayyana gudanar da zanga-zanga a fadin kasar na kowacce rana tare da zaburar da cibiyoyin kiwon lafiya na tarayya.

Kungiyar likitocin kasar na zargin gwamnatin da gazawa wajen © dailytrust

A wata sanarwa da ta fitar a ranar Asabar, kungiyar da a halin yanzu take yajin aiki a fadin kasar ta ce za a fara zanga-zangar ne a ranar Laraba 9 ga watan Agusta da karfe 10:00 na safe.

Sanarwar wadda aka fitar, bayan kammala taron majalisar zartaswar kungiyar ta NERD, ta ce bata da zabi face fara zanga-zangar, yayin da ta shiga yajin aiki na sai baba ta gani a fadin kasar.

Kungiyar ta ce lokaci ya yi da duniya za ta ga yadda tabarbarewar almundahana da cin hanci da rashawa a bangaren kiwon lafiya da ke kamari, wanda a tsawon wadannan shekaru shine yake haifar da tafiya yajin aikin da likitoci ke yi.

A makon jiya ne, gwamnatin Najeriya ta fitar da sanarwar cewa, za ta yi amfani da tsarin idan babu aiki, to kuwa babu biya ga likitocin da suka shiga yajin aiki.