Serena da Wawrika sun kai zagayen kwata fainal a Australian Open

Mai rike da kambun gasar Austrilan Open Stanilas Wawrinka ya kai ga shiga zagayen Kwata Fainal bayan ya doke Guillermo Garcia-Lopez a fafatawar da suka yi a yau Litinin. Nan gaba zai hadu ne da Kri Nishikori na Japan wanda ya doke David Ferrer na Spain.

Serena Williams Jarumar Tennis ta Amurka REUTERS/Carlos Barria

Jarumar Tennis ta duniya Serena Williams ta tsallake zuwa zagayen kwata fainal a gasar Australian Open bayan ta doke Garbine Muguruza ta Spain.

Dominika Cibulkova ta Slovakia ta yi waje da Victoria Azarenka ta Belerus a yau Litinin.

Yau ne aka shiga kwanaki na 8 a gasar da ake gudanarwa a Melbourne. Kuma a yau Novak Djokovic zai fafata da Gilles Muller na Luxembourg.