Barcelona ta sha kashi a gidan Real Madrid
Real Madrid ta doke Barcelona a fafatawar Clasico ci 3 da 1 a filinta Santiago Bernabeu. Suarez na Barcelona da shi aka fara wasan a karon farko da ya fara haskawa a La liga bayan kawo karshen wa’adin hukuncin watanni hudu da FIFA ta ladabtar da shi saboda tabi’ar cizo.
Wallafawa ranar:
Ana fara wasa Neymar ya fara jefa wa Barcelona kwallo a ragar Madrid. Ronaldo da Pepe da Benzema suka zirara kwallaye Real Madrid kwallayenta uku a ragar Barcelona.
Yanzu tazarar maki guda ne Barcelona ta ba Real Madrid a teburin La liga, kafin su sake haduwa a filin Barcelona Nou Camp.
Duk da ya kwashe lokaci ba ya taka kwallo amma Suarez ya yi rawar gani a wasan, domin shi ya ba Neymar kwallon da ya jefa a raga. Sai da aka dawo hutun rabin lokaci ne aka canza Suarez.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu