Shugaban Kasar Amurka, Barack Obama ya fito karara inda ya bayyana goyan bayan shi ga auren jinsi guda, a dai dai lokacin da Jahar North Carolina ta zama Jiha ta 30 da taki amincewa da auren.

MASU kula da lafiya a kasar Amurka suna shawara kan yuwuwar fara amfani da wani magani mai suna Truvada, a matsayin wanda za a yi amfani da shi don rigakafin cutar HIV, maimakon bayar da shi don warkar da wadanda suka kamu da cutar AIDS.

Atletico Madrid ta lashe kofin gasar Turai na Europa League karo na biyu cikin shekaru uku, bayan ta lallasa makwabciyarta Athletic Bilbao ci 3-0.

Manyan Jami’an tsaron kasashen da ke raya tafkin Chadi, sun gudanar da taro a Jamhuriyar Nijar, don nazarin hanyoyin da zasu dakile safarar makamai da kuma ayyukan ta’adanci domin samun ci gaban kasashensu.

A kasar Libya mutane da dama sun samu rauni tare da samun mutuwar mutum daya sakamakon musayar wuta da aka yi tsakanin Jami’an tsaro da ‘Yan bindiga dwadanda suka yi zanga zanga a Hedikwatar Gwamnati a Birnin Tripoli.

Gwamnatin Jamhuriyar Nijar ta yi watsi da rahotan kungiyar agaji ta Save the Children, wanda yace mata na fama da tsananin wahala wajen haihuwa da kuma renon kananan yara, abinda ya sa kasar ta zama ta karshe a mizanin kasashen duniya 165.

Al’ummar Algeria sun fara kada kuri’arsu a zaben farko na ‘Yan Majalisu tun fara zanga-zangar kasashen Larabawa, inda Jam’iyyar Mai mulki da Jam’iyyar ‘yan uwa musulmi ke fatar samun rinjayen kujeru tsakanin Jam’iyyu 44 da suka shiga takarar zaben ‘Yan Majalisa 462.

A wani Rahoton da Hukumar kare hakkin Dan adam ta Human Rights Watch ta fitar, rahoton yace a bara wani hari da kungiyar NATO ta kai ta sama ya yi sanadiyar mutuwar fararen hula 72 a Libya, tare da zargin kawance kasashen Turai da suka kaddamar da yakin kawar da Gaddafi.

Mai ra’ayin gurguzu, Francois Hollande ya karbi ranstuwar shugabancin Faransa tare da bayyana fatar samar da sauyi a kasar da Nahiyar Turai. Ana sa ran Sabon shugaban zai zabi Fira Ministan kafin ya nufi zuwa kasar Jamus don tattaunawa da Angela Merkel.