AC MILAN ta kulla kwantragi da dan wasan gaban Najeriya Samuel Chukwueze
AC Milan ta sanar da kulla kwantragi da dan wasan gaban Najeriya Samuel Chukwueze wanda a baya ya kasance da kungiyar Villarreal ta kasar Spain.Labarin daga kungiyar ta Ac Milan da ke rukunin kungiyoyi dake cikin gasar Serie A na kasar Italia,na nuna farin cikin kungiyar bayan daukar Samuel Chimerenka Chukwueze daga Villarreal CF.
Wallafawa ranar:
Dan wasan na Najeriya ya kulla yarjejeniya da Rossoneri har zuwa ranar 30 ga Yuni, 2028.
Tarihi ya nuna cewa an haife shi a Umuahia dake jihar Abia a tarrayar Najeriya a ranar 22 ga Mayu shekarar 1999.
Samuel ya zo ta bangaren matasa na Kwalejin Kwallon Kafa ta Diamond kafin ya koma Villarreal a 2017, kamar yadda aka bayyana a shafukan sada zumunta.
Ya soma da yan aji farko na kungiyar ta Spain, ya buga wasanni 20 kuma ya zura kwallaye hudu kafin ya fara buga wasa da babbar kungiyarsa. Samuel Chukwueze ya zabi riga mai lamba 21.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu