United ta sha gaban Chelsea a kokarin dauko Osimhen daga Napoli
Rahotanni na cewa Manchester United ta sha gaban Chelsea a yunkurin dauko dan wasan Napoli Victor Osimhen a kasuwar musayar 'yan wasa ta bana.
Wallafawa ranar:
Man United da Chelsea dukkaninsu na zawarcin dan wasan na Najeriya, haka su ma Bayern Munich da Paris Saint-Germain duk na zawarcin dan wasan mai shekaru 24.
A cewar Football Insider, Man United na kan gaba da Chelsea a tseren, saboda ana ganin zai yi wuya Blues ta iya biyan farashin da Napoli ta sa kan dan wasan.
Chelsea zata bukaci siyar da ’yan wasa da dama a wannan bazarar domin gudun wuce ka’idar kudin da zata iya kashewa saboda yadda ta yi ta kashe kudi a baya.
Dan wasan na Najeriya ya taka rawar gani sosai a kungiyarsa ta Italiya a kakar wasa ta 2022-23, inda ya zura kwallaye 26 sannan kuma ya taimaka aka zura kwallaye biyar a wasanni 32 da ya buga a dukkan gasa.
Osimhen ya zura kwallaye 21 a gasar Seria A wannan kakar, tare da kasancewarsa mai taka rawar gani a kungiyar Naples tana da maki 17 tsakaninta da Lazio mai matsayi na biyu a saman tebur.
Har yanzu Osimhen na da sauran shekaru biyu kafin kwantiraginsa da Napoli ta kawo karshe, sai dai ana ta cece-kuce game da makomarsa a kungiyar gabanin bude kasuwan ‘yan wasa ta bazara.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu