Neymar: Za mu iya lashe kofuna uku a bana

Dan wasan Barcelona Neymar na Brazil ya ce a bana alamu na nuna za su iya lashe kofuna uku, bayan sun karbe ragamarr teburin La liga bayan Athletic Bilbao ta doke Madrid a karshen mako. Yanzu haka Barcelona na zagayen karshe a gasar Copa del Ray sannan har yanzu tana da yakinin za a ci gaba da damawa da ita a gasar zakarun Turai bayan ta doke Manchester City ci 2 da 1 a karawa ta farko.

Dan wasan Barcelona Neymar na Brazil REUTERS/Gustau Nacarino

Nan da makwanni biyu ne Barcelona za ta karbi bakuncin Real Madrid inda za a tantance wanda zai iya lashe kofin La liga tsakanin manyan kungiyoyin biyu na Spain.