Henry ya dawo kuma ya fitar da Arsenal Kunya

Thierry Henry ya dawo kuma ya fitar da Arsenal kunya a gasar FA da aka gudanar a daren jiya, inda ya kafa tarihin zira kwallo a ragar Leeds United a kwallonsa ta farko bayan dawowarsa Emirates. Mintina 11 da saka dan wasan ne ya zira kwallo a raga, kwallonsa ta 227 ga Gunners. 

Dan wasan Aron Arsenal Thierry Henry lokacin da yake murnar zira kwallo a ragar Leeds United a gasar FA REUTERS/Eddie Keogh

Henry mai shekaru 34 na haihuwa ya bar Arsenal ne a shekarar 2007 kuma shi ne dan wasan da yafi zira kwallaye a raga, a makon jiya ne Arsenal ta karbi Aron Henry na tsawon watanni biyu daga kungiyarsa ta New York Red Bulls.

Arsene Wenger dai yace wannan mafarki ne.