Yadda ake gane alamomin cutar da ke kashe mutane a Kano

Mahukunta a jihar Kano da ke Najeriya na ci gaba da fadakar da jama’a game da alamomin wata nau’in cuta mai saurin kisa da yanzu haka ta bulla a wasu sassan Jihar. Daga cikin alamomin wannan cuta har da zubar majina daga hanci da tari babu kakkautawa da zazzabi da kuma ciwon makoshi.

Cutar ta fi kama kananan yara a cewar hukumomin kiwon lafiya. AFP - DJIMET WICHE

Ya zuwa yanzu, cutar da ake kiran ta 'diptheria' a harshen Turanci ko kuma mashako a Haussa, ta halaka kusan mutane 30, baya ga wasu da dama da ke kwance a asibiti. 

Tuni dai aka bude wuraren killlace wadanda suka kamu da cutar don magance bazuwarta. 

Ku latsa alamar sauti domin sauraren cikakken rahoton Abubakar Isa Dandago daga birnin Kano