Najeriya: 'Yan bindiga sun sace mata mai juna biyu a Kaduna
A Najeriya ‘yan bindiga sun sace wata mata mai juna biyu a unguwar Lema ta yankin Mando da ke daura da makarantar horar da kananan hafsoshin soji ta NDA da ke Kaduna.
Wallafawa ranar:
‘Yan bindigan sun yi awon gaba da wasu karin mutane 7 a lokacin da suka shiga gidaje 3 da misalin karfe 1 na dare ranar Lahadi a Mando.
Wasu mazauna unguwar sun ce sun tsorata, saboda haka sun kasa fitowa daga gidajensu a lokacin da suka ji motsin ‘yan bindigan, inda suka yi kira ga gwamnati da ta agaza musu.
Gwamnatin jihar Kaduna ba ta ce uffan a kan lamarin ba, amma kakakin rundunar ‘yan sandan jihar, DSP Mohammed Jalige, ya ce zai bincika don samun karin bayani a kan abin da ya auku.
Sai dai har ya zuwa lokacin hada wannan rahoto ba a ji daga gare shi ba.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu