Yan Sandan Burundi sun cafke mutane biyu da ake zargi da hallaka Turawa 'yan agaji biyu

'Yan sandan kasar Burundi na tsare da wasu mutane biyu da suke zargi da kashe wani dan kasar Italia da wani dan-kasar Croatia, da suka ziyarci kasar saboda wa'azin addini.  

Mai Magana da yawun ‘yan sandan kasar Major Pierre Chanel Ntarabaganyi ya fadi cewa kafin wayewar gari yau aka kama su, kuma daya nada shekaru 20 daya kuma nada shekaru 24.

Mahukuntan kasar Burundi sun bayyana cewa akwai maganar nemi kudi daga wajen wadanda aka hallaka, kuma akwai yuwuwar haka ne ya janyo kisan.