Isa ga babban shafi
Faransa

An ga Bafarashe cikin Mayakan IS

Masu bincike a Faransa sun gano wani Bafaranshe na biyu a cikin faifan bidiyon da ke nuna yadda kungiyar IS suka fille kan wani Ba’amurke da kuma sojojin Syria 18 a karshen makon da ya gabata.

Maxime Hauchard a cikin hoton Bidiyon Mayakan IS da ke da'awar jihadi a Iraqi
Maxime Hauchard a cikin hoton Bidiyon Mayakan IS da ke da'awar jihadi a Iraqi DR
Talla

Wannan dai na mai kara tabbatar da cewa akwai ‘Yan asalin kasashen Yammacin duniya da dama da ke taka rawa cikin kungiyoyin da ke da’awar jihadi a sassa daban na duniya.

Kasashen Turai da dama ne dai ke ci gaba da gudanar da bincike a game da faifan bidiyo da kungiyar IS ta fitar a karshen makon da ya gabata, bayan da aka fahinci cewa daga cikin wadanda ke fille kawunan har da Faransawa biyu da aka bayyana sunayensu a mastayin Maxime Hauchard da Michael Dos Santos.

Dukkaninsu an ce kiristoci ne amma suka rungumi addinin musulunci kafin a gano cewa tuni suka isa Syria domin Jihadi.

A can baya ma, lokacin da mayakan jihadin suka fillewa wasu ‘yan jaridun Amurka biyu kawuna tare da nuna hakan a yanar gizo, hukumomi a Birtaniya sun tabbatar da cewa daya daga cikin masu fille kawunan cikakken Bature Ingile ne.

A kasar Belgium ma ana gudanar da aiki domin tantance wani mutum da ya fito a hoton shekaran jiya, wanda ake zaton cewa dan kasar ne.

Tun daga lokacin da yaki ya barke a Syria ne aka soma samun kwararar ‘yan asalin kasashen Yamma zuwa Yankin Gabas ta Tsakiya, kuma akasarinsu domin jihadi, lamarin da ya haifar da damuwa a tsakanin al’ummomin wadannan kasashe.

Sai dai babban abin tambaya a nan shi ne, ko me ke kara kwadaitawa Turawan daura damarar zuwa jihadi a kasashen Syria da Iraki da kuma sauran bangarori na duniya?

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.