IS: Kerry ya kai ziyara Masar

Sakataren harakokin wajen Amurka John Kerry ya gana da mahukuntan kasar Misrah daga cikin ziyarar da ya ke yi a kasashen larabawa don neman hadin kan kasashen a yakin da Amurka ta kaddamar akan Mayakan IS da suka mamaye wasu yankuna a Iraqi da Syria.

Sakataren harkokkin wajen Amurka John Kerry yana ganawa da Shugaban Masar Abdel Fatah al Sisi REUTERS/Brendan Smialowski

John Kerry ya gana da shugaban Misrah Abdel Fatah al Sisi bayan ya gana da shugaban kungiyar Larabawa Nabil al-Arabi.

Akwai yiyuwar dai Sojojin Masar zasu kulla kawance da Amurka domin yakar Mayakan IS a Iraqi.