Rasha na binciken musabbabin hadarin jirgin saman da ya auku a kasar

Hukumomin Kasar Rasha sun fara bincike dan gano abinda ya yi sanadiyar hadarin wani jirgin fasinja da ya kashe mutane 44 da matukan sa guda shida a jiya.

Inda hadarin jirgin ya auku a jiya Lahadi Foto: Ministério Russo de Emergências

Mai Magana da yawun ma’aikatar agajin gaggawar kasar, ta ce jirgin kirar Boeing 737 ya tashi ne daga Moscow zuwa Kazan mai nisan kilomita 720 inda ya fadi lokacin saukar sa.

Rahotanni sun ce hadarin ya auku ne bayan jirgin ya yi yunkurin sauka a karo na biyu inda za a gudanar da bincike aka dalilin da ya sa ya kasa sauka a karon farko.