Matar Gbagbo ta yi watsi da tuhumar da ake ma ta

Matar Tsohon shugaban kasar Cote d’Ivoire Simone Gbagbo ta ki amincewa da tuhumar da ake ma ta na taimakawa wajen tashin hankalin siyasar da aka samu a kasar a lokacin da mijinta ya ki sauka daga mulki bayan an kada shi a zabe. Kasar Cote d’Ivoire ta ki mika matar tsohon shugaban kasar ga kotun duniya da ke neman ta ruwa ajallo inda ta amince a yi ma ta shari’a a gida.

Simone Gbagbo AFP PHOTO / SIA KAMBOU

Ana tuhumar Simone da hannu wajen tashin hankalin da ya yi sanadiyar kashe mutane 3,000 da ke adawa da mijinta Laurent Gbagbo wanda yanzu haka ya ke tsare a hannu kotun duniya.